យោងតាមសារព័ត៌មាន AP បានឲ្យដឹងថា
ទឹកជំនន់ភ្លាមៗនៅទីក្រុងហ្សាកាតា ប្រទេសឥណ្ឌូណេស៊ី បានសម្លាប់មនុស្សយ៉ាងហោចណាស់ ២៦ នាក់ និងមានមនុស្សជាង ១ សែននាក់ ភៀសខ្លួនពីផ្ទះសម្បែងខ្លួន។
ប៉ូលិសប្រាប់ថា ជនរងគ្រោះស្លាប់ភាគច្រើន ដោយសារលង់ទឹក ឬឆក់អគ្គិសនី ខណៈដែលទឹកជន់លិចឡើងដល់កម្ពស់ ២ ម៉ែត្រនៅតំបន់មួយចំនួននៃក្រុងហ្សាកាតាដែលមានមនុស្សរស់នៅ ១៤ លាននាក់។
ទឹកជំនន់នេះ បានកើតឡើងភ្លាមៗ កាលពីថ្ងៃព្រហស្បតិ៍ ទី១៥-មករា កន្លងទៅនេះ បន្ទាប់ពីមានភ្លៀងធ្លាក់ដ៏ខ្លាំង។ ថ្ងៃទី ១៧-មករា ទឹកឡើងខ្លាំងបំផុតរហូតដល់លិចកណ្ដាលក្រុងហ្សាកាតា ដោយសារភ្លៀងនៅតែបន្តធ្លាក់។
ទោះបីជាយ៉ាងណាក៏ដោយ រដ្ឋាភិបាលមិនទាន់អាចវាយតម្លៃពីការខូចខាតទាំងអស់នៅឡើយ។
0 comments:
Post a Comment